Yfirlýsing Samtaka um Atferlisgreiningu á Íslandi (SATÍS)

 

 

 

3.10.2018

Vegna fyrirlesturs Dr. Dean Adams fyrir deild menntunar og margbreytileika á Menntavísindasviði og rannsóknarseturs í fötlunarfræðum á Félagsvísindasviði við Háskóla Íslands.

Fólk sem hefur menntað sig í atferlisgreiningu og starfar við það fag á Íslandi (atferlisfræðingar) mæla alltaf gegn og eru á móti notkun hverskonar aðferða sem valda sársauka, óþægindum eða eru á einhvern hátt skaðlegar.

Því miður er það svo að í flestum fögum getur átt sér stað misnotkun á aðferðum, samanber stofnun eins og Judge Rotenberg Center (JRC). Atferlisfræðingar á Íslandi mæla gegn þeirri vinnu sem fer fram á JRC og taka undir gagnrýni á því starfi sem þar fer fram. Þá teljum við mikilvægt að geta þess að vinnan sem fer fram á JRC er á engan hátt lýsandi fyrir störf atferlisfræðinga á Íslandi eða á öðrum Norðurlöndum.

Þau sem vinna við atferlisgreiningu hafa hag skjólstæðinga í hávegum og er það siðferðisleg skylda þeirra að vernda skjólstæðinga frá mögulegum skaða sem kemur vegna lélegrar þekkingar og/eða misnotkunar á aðferðum atferlisgreiningar (sbr. Yfirlýsing frá Association for Behavior Analysis, 1989). Atferlisfræðingar fylgja ströngum siðareglum, hvort sem það eru siðareglur félagsins sem vottar að fólk hafi næga þekkingu og þjálfun í atferlisgreiningu (https://www.bacb.com/ethics/ethics-code/) eða innan þess fags sem þeir vinna, t.d. í sálfræði eða menntunarfræði svo dæmi sé tekið.

Markmið atferlisfræðinga er alltaf að:

  1. nota aðferðir sem eru hvað minnst hamlandi (least intrusive) fyrir skjólstæðinginn og líklegar til þess að bæta lífsgæði hans.
  2. kenna færni sem er mikilvæg fyrir skjólstæðinginn (til dæmis að auka sjálfstæði einstaklings og sjálfræði, kenna tjáningu, veita einstaklingi val, kenna neitun).
  3. bæta umhverfið þannig að það sé líklegt til að leiða af sér umbun en ekki refsingu.
  4. öll þjónusta sé einstaklingsmiðuð.
  5. nýta sannreyndar aðferðir byggðar á ritrýndum rannsóknum þegar setja á upp hverskonar íhlutun/meðferð. Þetta þýðir að hver skjólstæðingur á rétt á íhlutun sem    sýnt hefur verið fram á að beri tilætlaðan árangur og sé hlíft við inngripum sem ekki         bera árangur.
  6. nota aðferðir sem byggjast á styrkingu hegðunar framar öðrum aðferðum.

Við hvetjum ykkur öll til að kynna ykkur það starf sem atferlisfræðingar vinna á Íslandi, hvort sem það er að spyrja þau sem hafa menntun og starfa við atferlisgreiningu eða á heimasíðu félagsins www.atferli.is.

 

Fyrir hönd stjórnar SATÍS

 

 

 

 

 

Þessi yfirlýsing var samþykkt af stjórn SATÍS 3. október, 2018.

Í stjórn SATÍS sitja:

Berglind Sveinbjörnsdóttir, PhD, BCBA, formaður

Steinunn Hafsteinsdóttir, MSc, BCBA, gjaldkeri

Katrín Sveina Björnsdóttir, MSc, ritari

Ása Rún Ingimarsdóttir, MSc, BCBA, meðstjórnandi

Hólmfríður Ósk Arnalds, MSc, BCBA, meðstjórnandi

Ráðstefna SATÍS 2018

Samtök um atferlisgreiningu á Íslandi (SATÍS) halda í fimmta skiptið ráðstefnu um atferlisgreiningu. Í þetta skiptið fer hún fram á Reykjavík Natura Hotel fimmtudaginn 1. nóvember og föstudaginn 2. nóvember 2018. Ráðstefnan er einn og hálfur dagur.

Dagskrá ráðstefnunnar er hin glæsilegasta og eru Dr. Greg Hanley og Dr. Pat Friman gestafyrirlesarar. Þeir eru báðir virtir fræðimenn á sviði atferlisgreiningar

Dr. Friman

Megin áhersla Dr. Friman hefur verið á sviði barnalækninga og lyflækninga (behavioral pediatrics og behavioral medicine) og hefur hann gefið út yfir 180 vísindagreinar, skrifað bókakafla og bækur tengdar efninu. Dr. Friman hefur lagt mikla áherslu á að brúa bilið á milli grunnheilbrigðisþjónustu barna og geðheilbrigðisþjónustu. Í dag gegnir hann stöðu sérfræðings við Boys Town stofnunina í Nebraska.

 

 

Dr. Hanley

 

Dr. Hanley hefur birt fjöldamargar greinar og hafa rannsóknir hans og klínískt starf einkum beinst að því hvernig meta eigi hegðunarvanda og kenna börnum mikilvæga færni. Að auki leggur Dr. Hanley mikla áherslu á að þróa aðferðir sem miða að því að fyrirbyggja alvarleg hegðunarvandamál, bæði í rannsóknum og klínísku starfi.

Skráning er hafin og nú þegar hafa yfir 50 mann skráð sig en hægt er að skrá sig hér

Dagskrána nálgast hér : Dagskrá Á Prentvænu formi

Ráðstefnugjald er 21.500 kr en SATÍS greiðir niður ráðstefnugjald fyrir félagsmenn og er þeirra gjald 16.500 kr. Möguleiki er á að gerast félagsmaður á skráningarsíðu og greiða félagsgjald og fá þá félagsafsláttinn.  Verð fyrir nema er 6500.

Ráðstefnan er Facebook síðu með sem verður lifandi fram að Ráðstefnu og þar munum við birta úrdrátt úr erindum og skemmtilega upplýsingar um fyrirlesara.

Ráðstefnunefnd hvetur ykkur öll til að mæta á þessa stórglæsilegu Ráðstefnu.

 

 

 

Aðalfundur SATÍS 2018

Sæl verið þið,

Aðalfundur SATÍS verður haldinn þann 16.maí 2017 kl. 17:00 á Café Meskí.

Dagskrá aðalfundar:
1. Stjórn félagsins gefur skýrslu um störf sín á liðnu ári.
2. Gjaldkeri gerir grein fyrir fjárumsvifum samtakanna.
3. Skoðaðir reikningar stjórnar lagðir fram til samþykktar.
4. Árgjald ákveðið til eins árs. Árgjald nemenda skal samsvara 50% af almennu árgjaldi.
5. Lagabreytingar kynntar og kosið um þær
6. Stjórnarkjör
7. Árleg kosning tveggja skoðunarmanna reikninga.
8. Áætlun um störf næsta árs.
9. Önnur mál.

Ása Rún Ingimarsdóttir og Hólmfríður Ósk Arnalsds munu ljúka sinni stjórnarsetu á næsta aðalfundi og því kallar stjórn eftir framboðum í nýja stjórn. Framboðs má senda á satis.felag@gmail.com.

Einnig vill stjórn minna á að ársgjald hefur verið sent í heimabanka félagsmanna núna 1 april. Hvetjum alla til að ganga frá greiðslu sem fyrst. Ef einhverjir fengu ekki rukkun endilega látið okkur vita og við förum í málið.

Sjáumst Hress þann 16. maí.

kv
Stjórnin.

Nánari lýsinig á vinnustofum Dr. Toussaint

Mánudaginn 18 september næst komandi verða tvær vinnustofur með Dr. Karen Toussaint í Gerðubergi

Fyrri vinnustofan er frá 8:30-11:30 og sú seinni frá 12:30-15:30

Vinnustofurnar eru ætlaðar Starfsmönnum í skóla og leikskóla og öllum þeim sem starfa við skipulagningu og framkvæmd kennslu barna og einstaklinga með frávik í þroska.

 

download (1)

Dr. Karen Toussant BCBA-D

Dr. Karen Toussaint BCBA-D

 

Karen Toussaint, Ph.D., BCBA-D er lektor í atferlisgreiningu við University of North Texas. Hún er með doktorsgráðu í skólasálfræði með áherslu á atferlisgreiningu frá Louisiana State University og hefur starfað með börnum með þroskafrávik í fjölda ára. Dr. Toussaint stýrir nú íhlutun barna með einhverfu í UNT Kristin Farmer Autism Center í Texas og sérhæfir sig í máltöku og meðferð alvarlegs hegðunarvanda. Dr. Toussaint hefur birt rannsóknir sínar í virtum vísindatímaritum eins og Journal of Applied Behavior Analysis (JABA) og Behavior Analysis in Practice.

 

 

 

Hér má sjá nánari lýsingu á báðum vinnustofunum.

8:30-11:30 Áhrifaríkar leiðir til hegðunarstjórnunar
• Leiðir til að bera kennsl á, meta og breyta styrkingarskilmálum sem liggja að baki algengum hegðunarerfiðleikum
• Aðferðir til að kenna tjáskipti út frá virkni hegðunar
• Mikilvægi þess að draga úr styrkingu í kjölfar tjáskiptaþjálfunar
• Mismunandi aðferðir til að kenna einstaklingum að þola þegar dregið er úr styrkingu í kjölfar tjáskiptaþjálfunar.

12:30-15:30 Kennsla félagslegrar hegðunar til að auka færni og fyrirbyggja óæskilega hegðun
• Hvernig hægt er að beita kennsluaðferðum atferlisgreiningar í daglegu umhverfi barnsins
• Atriði sem algengt er að gleymist þegar styrkingarkerfi eru útbúin fyrir kennslu
• Leiðir til að haga námsumhverfi barnsins þannig að það ýti undir tækifæri til náms allan skóladaginn

download (1)

 

Verð á vinnustofurnar

Verð fyrir meðlimi SATÍS

Ein vinnustofa: 9.000 kr.      Báðar vinnustofur: 15.000 kr.

Verð fyrir aðila sem eru ekki skráðir í SATÍS:

Ein vinnustofa: 13.000 kr.    Báðar vinnustofur: 21.000 kr.

Verð fyrir námsmenn og eldri borgara:

Ein vinnustofa: 3.500 kr. Báðar vinnustofur: 6.000 kr.

*Innifalið í verðinu eru námskeiðsgögn og veitingar í kaffihléum.

Vinnustofur Satís: Kennsla tjáskipta í daglegu umhverfi með Dr. Karen Toussaint

Samtök um atferlisgreiningu á Íslandi (SATÍS) bjóða til tveggja vinnustofa um náttúrlega kennslu.

Fyrirlesari er Dr. Karen Toussaint, BCBA-D.

 

Dr. Karen Toussant BCBA-D
Dr. Karen Toussant BCBA-D

Staðsetning: Menningarmiðstöðin í Gerðubergi. Sjá kort hér

Dagsetning og tími: 18.september 9:00–12:00 og 13:00-16:00

Verð fyrir meðlimi SATÍS

Ein vinnustofa: 9.000 kr.      Báðar vinnustofur: 15.000 kr.

Verð fyrir aðila sem eru ekki skráðir í SATÍS:

Ein vinnustofa: 13.000 kr.    Báðar vinnustofur: 21.000 kr.

Verð fyrir námsmenn og eldri borgara:

Ein vinnustofa: 3.500 kr. Báðar vinnustofur: 6.000 kr.

*Innifalið í verðinu eru námskeiðsgögn og veitingar í kaffihléum.

 

Fyrri vinnustofan 8:30-11:30

Áhrifaríkar leiðir til hegðunarstjórnunar (Effective behavior management soulutions)

Hádegishlé frá 11:30-12:30

Seinni vinnustofan 12:30-15:30

Kennsla félagslegrar hegðunar til að auka færni og fyrirbyggja óæskilega hegðun (Teaching prosocial behaviors to increase skills and prevent behavior problems)

 

Hverjum er vinnustofurnar ætlaðar? Starfsmönnum í skóla og leikskóla og öllum þeim sem starfa við skipulagningu og framkvæmd kennslu barna og einstaklinga með frávik í þroska.

 

Nánari lýsing á vinnustofunum eru væntanlegar á næstu dögum en skráning er hafin

download (1)

Auglýsing á Prentvænu Formi

Aðalfundur

Aðalfundur SATÍS verður haldinn þann 15.maí 2017 kl. 17:00 á Café Meskí.
Dagskrá aðalfundar:
1. Stjórn félagsins gefur skýrslu um störf sín á liðnu ári.
2. Gjaldkeri gerir grein fyrir fjárumsvifum samtakanna.
3. Skoðaðir reikningar stjórnar lagðir fram til samþykktar.
4. Árgjald ákveðið til eins árs. Árgjald nemenda skal samsvara 50% af almennu árgjaldi.
5. Kjör um gjaldkera.
6. Árleg kosning tveggja skoðunarmanna reikninga.
7. Áætlun um störf næsta árs.
8. Önnur mál.
Kristín Margrét Arnaldsdóttir hefur boðið sig fram til að gegna áfram stöðu gjaldkera. Ef fleiri hafa áhuga á að bjóða sig fram til að gegna þeirri stöðu má hafa samband við stjórn SATÍS (satis.felag@gmail.com).

Lokað fyrir skráningu

Nú er orðið fullbókað á ráðstefnuna og lokað hefur verið fyrir skráningu. Hægt er að skrá sig á biðlista með því að senda tölvupóst á satis.felag@gmail.com.

Um 100 þátttakendur verða á ráðstefnunni og verður þetta stærsta ráðstefna SATÍS til þessa. Við hlökkum mikið til að hlusta á alla fyrirlesarana og eiga í samræðum við bæði sérfræðinga á sviði atferlisgreiningar og áhugafólk um greinina. Sjáumst fimmtudaginn 3. nóvember í Nauthól. Húsið opnar kl. 11:00 og ráðstefnan verður sett kl. 12:00. Við minnum á að dagskrána má nálgast neðar á síðunni.

Skráning á ráðstefnu 2016 er í fullum gangi

Skráning á ráðstefnu SATÍS 2016 er í fullum gangi. Um 70 manns hafa þegar skráð sig og enn er tími til að skrá sig en skráningu lýkur á miðnætti 31.oktober.

Ráðstefnan hefst á hádegi á fimmtudeginum og lýkur á föstudagseftirmiðdag. Ráðstefnan hentar öllum þeim sem starfa í leikskóla og grunnskóla sem og öllum þeim sem starfa í sérkennslu eða starfa með einstaklingum með sérþarfir.

 

download (1)

Ráðstefnugjald er 20.000 kr en SATÍS greiðir niður ráðstefnugjald fyrir félagsmenn og er þeirra gjald 16.000 kr.(hægt er að skrá sig í félagið um leið og skráð er á ráðstefnuna). Nemar greiða sérstakt nemagjald 8500 kr en framvísa verður vottorði frá nemendaskrá til að fá nemaafslátt. Senda skal vottorðið á satis.felag@gmail.com.  Allar veitingar eru innifaldar í ráðstefnugjaldi.

Dagskrá ráðstefnunnar er hin glæsilegasta og eru gestafyrirlesarar, Dr.Bill Ahearn, Dr Einar Ingvarsson og Dr. Jennifer Austin en þau eru öll  virtir fræðimenn á sviði atferlisgreiningar (Lesa má meira um þau hér). Auk þeirra prýða fjöldi innsendra erinda og veggspjalda dagskránna.

 

Dagskráin á Prentvænu formi

Frekari upplýsingar og umræður má finna á Fésbókarsíðu ráðstefnunnar

Hlökkum til að sjá sem flesta

Ráðstefnunefnd SATÍS

Ráðstefna 2016 Dagskrá

Samtök um atferlisgreiningu á Íslandi bjóða í fjórða skiptið til ráðstefnu um atferlisgreiningu fimmtudaginn 3. nóvember og föstudaginn 4. nóvember 2016 í Nauthóli. Ráðstefnan hefst á hádegi á fimmtudeginum og lýkur á föstudagseftirmiðdag. Ráðstefnan hentar öllum þeim sem starfa í leikskóla og grunnskóla sem og öllum þeim sem starfa í sérkennslu eða starfa með einstaklingum með sérþarfir.

Ráðstefnugjald er 20.000 kr en SATÍS greiðir niður ráðstefnugjald fyrir félagsmenn og er þeirra gjald 16.000 kr.(hægt er að skrá sig í félagið um leið og skráð er á ráðstefnuna). Nemar greiða sérstakt nemagjald 8500 kr en framvísa verður vottorði frá nemendaskrá til að fá nemaafslátt. Senda skal vottorðið á satis.felag@gmail.com.  Allar veitingar eru innifaldar í ráðstefnugjaldi.

Dagskrá ráðstefnunnar er hin glæsilegasta og eru gestafyrirlesarar, Dr.Bill Ahearn, Dr Einar Ingvarsson og Dr. Jennifer Austin en þau eru öll  virtir fræðimenn á sviði atferlisgreiningar (Lesa má meira um þau hér). Auk þeirra prýða fjöldi innsendra erinda og veggspjalda dagskránna.

.download (1)

 Dagskráin á Prentvænu formi    

Dagskrá SATÍS ráðstefnu 3. og 4.  nóvember 2016

Haldin í Nauthól

 Fimmtudagurinn 3. nóvember

12:00 – 12:10 Ása Rún Ingimarsdóttir, formaður SATÍS, opnar ráðstefnu

12:10 – 12:50 Dr. Einar Ingvarsson

Félagsleg styrking í snemmtækri íhlutun

12:50 – 13:00 Umræður og fyrirspurnir

13:00 – 13:20 Ása Rún Ingimarsdóttir og Rebecca MacDonald

Samanburður á Matrix kennslu og aðgreindri kennsluæfingu í kennslu barna með einhverfu

13:20 – 13:40 Júlía Oddsdóttir, Tinna Þuríður Sigurðardóttir, Kamilla Jóhannesdóttir, Berglind Sveinbjörnsdóttir og Hannes Högni Vilhjálmsson

Sýndarveruleiki– verkfæri í þjálfun starfsmanna á aðgreindri kennsluæfingu

13:40 – 13:50 Umræður og fyrirspurnir

13:50 – 14:10 Kaffihlé

14:10 – 14:30 Hólmfríður Ósk Arnalds og Richard G. Smith

Samræmi á milli virknimatskvarða og virknigreiningar við mat á óæskilegri hegðun

14:30 – 15:00 Dr. Anna-Lind Pétursdóttir, Erla Björk Sveinbjörnsdóttir og

Daðey Arnborg Sigþórsdóttir

Áhrif einstaklingsmiðaðra stuðningsáætlana sem byggðar eru á virknimati á truflandi hegðun, þátttöku og líðan leikskólabarna

15:00 – 15:20 G. Adda Ragnarsdóttir, Ingi Jón Hauksson, Kristján Guðmundsson og Þorlákur Karlsson

To Whisper a Prompt (ath fyrirlestur verður fluttur á íslensku en glærur verða á ensku)

15:20 – 15:30 Umræður og fyrirspurnir

15:30 – 16:15 Veggspjaldasýning – höfundar standa og kynna sín veggspjöld

Föstudagurinn 4. nóvember 

9:30 – 10:30 Dr. Bill Ahearn

Best practices in Autism treatment

10:30 – 10:40 Umræður og fyrirspurnir

10:40 – 11:00 Kaffihlé

11:00 – 11:20 Berglind Sveinbjörnsdóttir og Chata A. Dickson

Pausing and preference in transitions between relatively rich and lean
reinforcement context

11:20 – 11:40 Dr. Hanna Steinunn Steingrímsdóttir og Erik Arntzen

An overview of the use of conditional discrimination procedures when studying
learning in older adults and older adults with neurocognitive disorders

11:40 – 11:50 Umræður og fyrirspurnir

11:50 – 13:30 Hádegismatur

13:00 – 13:40 Dr. Bill Ahearn

Feeding problems in persons with autism and developmental disabilities

13:40 – 14:00 Dr. Kristján Guðmundsson

Dr. Skinner og Mr. Hyde

14:00 – 14:10 Umræður og Fyrirspurnir

14:10 – 14:30 Kaffihlé

14:30 – 15:10 Dr. Jennifer Austin

Improving the Efficiency and Utility of Classroom Functional Behavior Assessments

15:10 – 15:50 Dr. Kristján Guðmundsson

„Hegðunarvekja“

15:50 – 16:00 Umræður og ráðstefnuslit

download (1)

Frekari upplýsingar og umræður má finna á Fésbókarsíðu ráðstefnunnar

Hlökkum til að sjá sem flesta

Ráðstefnunefnd SATÍS

 

Ráðstefna SATÍS

Samtök um atferlisgreiningu á Íslandi bjóða í fjórða skiptið til ráðstefnu um atferlisgreiningu fimmtudaginn 3. nóvember og föstudaginn 4. nóvember 2016 í Nauthóli. Gestafyrirlesarar verða þrír virtir fræðimenn á sviði atferlisgreiningar og að auki verður fjöldi innsendra erinda og veggspjalda.

Verð á ráðstefnuna er:

SATÍS meðlimir: 16.000

Almennt verð: 20.000

Nemaverð: 8.500

Innifalið í verðinu er Ráðstefnugjald og allar veitingar meðan ráðstefnu stendur.

download (1)

 

Gestafyrirlesarar verða:

ahearn

Dr. Bill Ahearn hefur starfað við The New England Center for Children frá árinu 1996 og gegnir þar stöðu deildarstjóra rannsókna. Hann er þar að auki aðjúkt í meistara- og doktorsnámi við Western New England University. Árið 2009 hlaut hann viðurkenningu frá American Psychological Association fyrir þrotlaust starf á sviði hagnýtrar atferlisgreiningar. Rannsóknir Bills hafa meðal annars beinst að félagsþroska barna með einhverfu, máli og máltöku, mati og íhlutun á stegldri hegðun (e. stereotypy), óæskilegri hegðun og fæðuinntökuvanda hjá börnum. Hann hefur birt fjöldann allan af greinum í virtum vísindatímaritum og hefur þar að auki skrifað bækur um kennslu barna með einhverfu og fæðuinntökuvanda. Bill situr í ritnefndum Journal of Applied Behavior Analysis og The Analysis of Verbal Behavior og ritstýrir þar að auki Behavioral Interventions.

Einar_T_Ingvarsson_web Dr. Einar Þór Ingvarsson er rannsóknarprófessor í atferlisgreiningu við University of North Texas og stýrir þjónustu við börn með einhverfu í Child Study Center í Fort Worth, Texas. Einar er með MS-próf í atferlisgreiningu frá University of North Texas og doktorspróf í atferlissálfræði frá University of Kansas. Einar hefur víðtæka reynslu á sviði atferlisíhlutunar fyrir fólk með einhverfu og önnurþroskafrávik og hefur birt fjölda vísindagreina á því sviði. Áhugi hans hefur einkum beinst að snemmtækri atferlisíhlutun, málhegðun, félagsfærni og virknimati og íhlutun vegna óæskilegrar hegðunar. Einar hefur starfað sem aðstoðarritsstjóri Journal of Applied Behavior Analysis (JABA) og The Analysis of Verbal Behavior og situr nú í ritnefnd fjölda annarra virtra vísindarita á sviði atferlisgreiningar og einhverfu. Hann er þar að auki forseti Texas Association for Behavior Analysis (TxABA) og hefur birt yfir 20 greinar í viðurkenndum vísindaritum, einkum í JABA

Jenn Austin

 Dr. Jennifer Austin hefur unnið eftir aðferðum atferlisgreiningar með börnum og kennurum í nær 20 ár. Rannsóknir hennar og klínískt starf hafa einkum beinst að því hvernig má nota mats- og íhlutunaraðferðir atferlisgreiningar í vinnu með ófötluðum börnum og hvernig má aðlaga þær aðferðir til að þær virki sem best í skólastarfi. Hún hefur starfað með fjöldamörgum grunnskólum í Bandaríkjunum og Bretlandi og einbeitt sér sérstaklega að skólum í efnaminni samfélögum. Jennifer er með doktorsgráðu frá Florida State University og kennir nú sálfræði við University of South Wales í Bretlandi þar sem hún stýrir námi í atferlisgreiningu. Hún gegndi áður stöðu formanns UK Society for Behavior Analysis sem og stöðu aðstoðarritstjóra bæði Journal of Applied Behavior Analysis og Behavior Analysis in Practice

Hvetjum alla til þess að skrá sig á þessa glæsilegu ráðstefnu

download (1)

Top