Kæru meðlimir SATÍS,
Ákveðið hefur verið að fresta aðalfundi SATÍS fram yfir sumarfrístímann svo sem flestir geti vonandi mætt. Því miður varð okkur á að halda ekki fundinn núna í maí eins og lög kveða á um og verðum við bara að biðjast innlegrar afsökunar á því. Ef satt skal segja vorum við enn í sæluvímu af yndislega vel heppnaðri ráðstefnu með „verbal behavior“ þema og frábærum vinnusmiðjum og erindum. Hér eru myndir frá ráðstefnunni.
Núna á næstunni verðum við með þrjá viðburði:
– Bjórkvöld þann 26. júní á Loftinu. Mæting klukkan 19:00 og eru fyrstu 10 drykkirnir í boði SATÍS
– Aðalfundur félagsins þann 26. ágúst klukkan 17:00, líklega á Aragötunni þar sem hann var haldinn síðustu tvö skipti. Léttar veitingar verða í boði SATÍS.
– Afmælisviðburður SATÍS þar sem það verður 10 ára í ár – nánar auglýst síðar.
Þar sem kosning mun fara fram á þeim fundi er skynsamlegt fyrir félagsmenn að fara að huga að framboði til formanns og ritara þar sem komið er að stjórnarskiptum. Gjaldkeri situr hinsvegar áfram í stjórn til eins árs í viðbót.
Góðar stundir!
Stjórnin