Ingibjörg Sveinsdóttir, formaður, Sigurður Viðar, gjaldkeri  og Hafdís Lilja Gunnarsdóttir, ritari.

Fráfarandi stjórn þakkar fyrir sig og óskar þeim og félaginu innilega til hamingju! Gangi ykkur vel!

Nýkjörin stjórn Satís 2010: Sigurður Viðar, gjaldkeri, Ingibjörg Sveinsdóttir, formaður og Hafdís Lilja Gunnarsdóttir, ritari

Fundurinn verður haldinn í Þjónustumiðstöð Miðborgar og Hlíða, Skúlagötu 21, (1. hæð).

sjá kort

Dagskrá:

1. Stjórn félagsins gefur skýrslu um störf sín á liðnu ári.

2. Gjaldkeri gerir glögga grein fyrir fjárumsvifum samtakanna.

3. Skoðaðir reikningar stjórnar lagðir fram til samþykktar.

4. Árgjald ákveðið til eins árs. Árgjald nemenda skal samsvara 50% af almennu árgjaldi.

5. Lagabreytingar kynntar og kosið um þær.

6. Stjórnarkjör

7. Árleg kosning tveggja skoðunarmanna reikninga.

8. (Áætlun um störf næsta árs) Gerum ráð fyrir að ný stjórn geri grein fyrir þessu fljótlega eftir aðalfund

9. Önnur mál.

Fráfarandi stjórn leggur fram sex lagabreytingatillögur fyrir aðalfund.

Að sjálfsögðu verða margrómaðar veitingar í boði að hætti fráfarandi stjórnar!

Hvetjum alla félaga til að mæta en vekjum jafnframt athygli þeirra sem ekki komast á aðalfund, t.d. þeir sem eru erlendis, að þeir geta sent atkvæði sín vegna stjórnarkosninga og lagabreytinga, RAFRÆNT til umsjónarmanns kosninga fyrir aðalfund.

Bestu kveðjur,

Kristín, Þórhalla og Atli.

Íris Árnadóttir, M.S. í atferlisgreiningu ætlar að segja okkur frá mastersverkefni sínu sem hún vann við University of North Texas undir leiðsögn Dr. Jesús Rosales-Ruiz: Áhrif ágiskana á frammistöðu barna með eðlilegan þroska.

Fundurinn verður á kaffistofu Kjarvalsstaða.

Hefst kl 12:05 og stendur  í u.þ.b. klukkustund.

Stjórnin

Hér má sjá myndir frá fundinum:

ICEABA póster á ABA í San Antonio 2010

ICEABA póster á ABA í Phoenix 2009

ICEA póster á ABA Chicago 2008

ICEABA póster Chicago 2005

Hagnýt atferlisgreining (e. applied behavior analysis) leggur auk þess áherslu á notkun vísindalegra aðferða til að leysa samfélagsleg vandamál af ýmsu tagi. Velferð þeirra einstaklinga sem njóta þjónustunnar er ávallt höfð í fyrirrúmi, og sjónum beint að því að bera kennsl á lausnir sem líklegar eru til að bera árangur. Í hagnýtri atferlisgreiningu byggja atferlisfræðingar vinnu sína á niðurstöðum frumrannsókna á hegðun og hagnýtra rannsókna þar sem sýnt hefur verið fram á að tiltekin meðferð eða kennsluaðferð beri árangur (evidence-based practice/treatment).

Hagnýt viðfangsefni greinarinnar eru afar fjölbreytt. Sem dæmi má nefna:

• uppeldi barna og unglinga
• almenn kennsla – börn og fullorðnir
• einstaklingar með þroskaskerðingu – þjálfun, kennsla og greining á hegðunarvanda
• einhverfa – kennsla, meðferð og greining á hegðunarvanda
• sérkennsla – börn og fullorðnir
• hegðunarvandi barna á heimilum, leikskólum og í skólum
• tilfinningaörðugleikar
• spilafíkn
• offita
• endurhæfing einstaklinga með heilaskaða
• aldraðir
• frammistöðustjórnun í fyrirtækjum og stofnunum
• öryggismál á vinnustöðum
• umferðaröryggi
• umhverfisvernd
• íþróttaþjálfun
• hagfræði

Vinna í hagnýtri atferlisgreiningu krefst mikillar nákvæmni, þjálfunar og reynslu af hendi atferlisfræðingsins eigi íhlutun að bera árangur. Greining á hegðun og íhlutun á vandanum krefst oft mikillar vinnu og undirbúnings og getur ferlið tekið dágóðan tíma, rétt eins og læknis- eða sálfræðimeðferð. Atferlisfræðingar fylgjast með skjólstæðingum sínum þar sem því verður við komið og skrá upplýsingar um hegðun þeirra, til dæmis í skólastofu eða á skólalóð.  Í mörgum tilvikum skrá skjólstæðingar sjálfir hegðun sína eða aðstandendur þeirra.  Þannig safna atferlisfræðingar upplýsingum um samspil umhverfis og hegðunar.  Þessar upplýsingar eru síðan notaðar í ráðgjöf, íhlutun og kennslu. Atferlisfræðingar þjálfa einnig og kenna sjálfir skjólstæðingum sínum og leiðbeina því fólki sem heldur kennslunni áfram eftir að hlutast hefur verið til um hegðunina. Skráningu er haldið áfram eftir að kennsla eða íhlutun hefst og þannig er mögulegt að meta jafnharðan hvort árangur hefur náðst eða hvort breyta þurfi kennslu eða aðferðum við íhlutun.

Fyrir nokkrum árum var komið á fót alþjóðlegri sérfræðivottun í atferlisgreiningu (Board Certified Behavior Analyst, BCBA).  Þetta var gert til að gera aðilum sem njóta þjónustu atferlisgreinenda betur kleift að greina á milli þeirra sem hafa lágmarksmenntun og reynslu í atferlisgreiningu og þeirra sem hafa ekki þessa menntun og reynslu. Sérstök stofnun í Bandaríkjunum, The Behavior Analyst Certification Board®, Inc hefur umsjón með þessari sérfræðivottun. Frekari upplýsingar má finna annars staðar á vefsíðu SATÍS (sjá Um BACB) og á vefsíðu BACB: http://www.bacb.com/

Atferlisgreining er vaxandi fræðigrein, sem meðal annars sést á því að félögum í alþjóðlegu samtökunum Association for Behavior Analysis fjölgar ár frá ári og þeim háskólum fjölgar stöðugt í heiminum sem bjóða upp á framhaldsnám í greininni. Frá 1977 hafa alls 23 Íslendingar lagt stund á framhaldsnám í atferlisgreiningu erlendis, þar af hafa 14 bæst í hópinn undanfarinn áratug. Meirihluti þeirra sem lokið hafa námi starfar nú á Íslandi, en aðrir búa og starfa erlendis við hagnýt störf, háskólakennslu og/eða rannsóknir, enda er eftirspurn mikil eftir fólki með menntun í greininni.

Þann 6. nóvember 2009 var haldið upp á fimm  ára afmæli SATÍS.  Satís félagar,  velunnarar félagsins og aðrir áhugasamir fjölmenntu í Odda við Háskóla Íslands og hlustuðu á erindi um  árdaga atferlisgreiningar á Íslandi, kynntu rannsóknir sínar og hagnýta vinnu í atferlisgreiningu. Í lok dags var svo spáð í framtíðina. (Þó ekki með kristalskúlu…)  Á milli erinda var hungrið satt með gómsætri afmælisköku og þorstanum svalað með sætu freyðivíni.  Um kvöldið hittust SATÍS félagar og guðfaðir þeirra  í Skólabæ og skeggræddu stöðuna í atferlisgreiningu hér á landi. Myndir sem Ragnar og Kristín tóku á þessum frábæra degi  má sjá hér á næstu síðu.

The media man

Sitja-og-prjóna-námskeið hvað? ha?

Tímarit samtaka áhugafólks um atferlisgreiningu á Íslandi

Ritstjórar

Jón Grétar Sigurjónsson, BA, National University of Ireland, Galway

Zuilma Gabríela Sigurðardóttir, Ph.D., Háskóli Íslands

Valdimar Sigurðsson, Ph.D., Háskólinn í Reykjavík

Atferli, tímarit Samtaka áhugafólks um atferlisgreiningu á Íslandi var stofnað á fimm ára afmæli félagsins í nóvember 2009. Tilgangur Atferlis er að vera vettvangur fyrir rannsóknir í atferlisgreiningu á íslensku sem og gagnrýna umræðu um kenningar og hugtök í atferlisgreiningu.

Ritstjórnarstefna

Atferli tekur á móti greinum í hagnýtri atferlisgreiningu, klínískri sálfræði, vinnu- og öryggissálfræði, aðferðafræði, heimspeki atferlisgreiningu og sálfræði, grunnrannsóknum í atferlisgreiningu, sögu atferlisgreiningu og ritdóma um íslenskar og erlendar fræði- og kennslubækur. Einnig biður ritstjórn sérstaklega um hugtök og þýðingar á hugtökum atferlisgreiningar á íslensku. Nemendur í atferlisgreiningu, bæði á Íslandi og erlendis, eru sérstaklega hvattir til að senda inn rannsóknargreinar.

Birtingarferli

Höfundar eru vinsamlegast beðnir um að senda greinar inn til ritstjóra (jonsi@hi.is) sem mun láta höfund/a vita hvort greinarnar fari í ritrýni. Ef greinin er talin hæf til ritrýni er hún send í tvíblinda ritrýni til tveggja ritrýnenda. Ritrýnendur hafa 6 vikur til að skila áliti og er það álit sent höfundum.

Atferli er veftímarit og greinar munu birtast á vefsíðu tímaritsins um leið og ritrýnisferli er lokið. Með þessu móti er auðvelt fyrir aðra höfunda að svara eða bæta við birtar greinar og fá svar sitt birt í sama tölublaði og upprunalega greinin. Útgáfutími hvers tölublaðs er frá byrjun nóvember til loka október hvert ár.

Höfundar eru beðnir um að fara eftir 5. útgáfu birtingarreglna Bandaríska sálfræðifélagsins (APA). Helstu reglur eru eftirfarandi (þýtt og staðfært frá Behavior and Philosophy):

• Útdráttur sem er ekki lengri en 200 orð en tekur saman megin inntak greinarinnar og niðurstöður.
• Tiltakið lykilhugtök (e. key words) undir útdrætti, ekki færri en þrjú en ekki fleiri en tíu.
• Heimildir koma á eftir megintexta greinarinnar.
• Tilvísanir eiga að vera í texta en ekki í neðanmálsgreinum.
• Myndir og töflur, sem og lýsingar á myndum og töflum, á að setja inn í textann á þeim stöðum sem höfundur vill að þær komi fyrir. Lýsingar á myndum og töflum eiga að vera í 10 punkta letri. Höfundar eru vinsamlegast beðnir um að vísa til mynda og tafla á sömu blaðsíðu eða rétt áður en mynd eða tafla birtist ef það er mögulegt.
• Myndir og töflur eiga ekki að fara út fyrir spássíur ritaðs texta.
• Notið skáletrun ekki undirstrikun.
• Notið neðanmálsgreinar í hófi. Ef neðanmálsgreinar eru notaðar skulu þær vera í 10 punkta letri.
• Höfundar bera ábyrgð á því að fá leyfi fyrir myndum og töflum sem og texta sem er lengri en 500 orð.
• Greinar skulu vera skrifaðar í einum dálki, jafnað beggja megin (e. justified), hliðarspássíur 4,5 cm, spássíur fyrir ofan og neðan texta skulu vera 3,5 cm. Nánari lýsingar á uppsetningarreglum má nálgast hér [Hlekkur á PDF skjal með uppsetningarreglum].